|
شاعـــــــیر | |
|
شاعیر اودور ائلین دردین سویـــــلیه، دردلـــیلری دردســــــیزلری اویـــــادا، آزاد عمور سوروب حق سوز سویلیه، هارای چــکیب یاتــــمیشلاری اویــادا |
شاعـــیر اودور نسیمی تک بویانا، دار آغـــاجدا گونش کیمی قـــانینا، سالا قورخو ظـــالیملرین جــــانینا، دامـارلاردا دونموش قانی اویـــادا |
|
شاعیر اودور اوچا سوزو قوش کیمی، ائلدن ائله کوچــه قارانــــقوش کــیمی، دوداقــدان دوداقا بیر اوپــوش کــیمی، نـــــیسان اولوب وطن باغــــین اویادا |
شاعــــیر اودور دویغو ایله بسلنه، تئلـلی سازدان ایلهام آلیب سـسلنه، ماهنی سیندان قورخو آدی هسلنه، کونوللرده سونــموش کوزو اویادا |
|
شاعیر اودور سایـــیق اولا دوشمانا، اودلو سوزلر قـــوشا سالا فرتــــــانا، اوخشایا قوشدوغو ســــوزو وولقانا، بلکه ائـــــلین یاتـــمئش بختین اویادا |
(شعر: دمیرچی نوه سی) |
|
آنانیزی دینلمه دیز آتا لار ددی: پالازا بورون ائلینن سورون اویله ائله دیز بوروندوز پالازا بیرلیکده سوروندوز گودازا دمیرچی نوه سی |
|
یاسینیزا آغلار گدیرم یارینیز قورخونج ائچیسی یارینیز محبت سسلر بیرگوزنوز دلیلیگه قیسیلمیش بیرگوزونوز سورولر آرانی دمیرچی نوه سی |
|
یازیق اوزون دویمامیشکن دوشونجه سی جزالاندی قالدی یالقیز دووارلارین ایچره سینده یاساقلاندی دورود دوواردان بویلانماسی آلداتدی شیطان !!!... بویلاندی او گوردو اما "آنلامادی" دوندو بیرده دورد دووارا آغلاییردی ده ییردی "گوناهکارام من" دمیرچی نوه سی |
|
گاهدان دایانیر زامانین خیردا خیردا اوتوشمه سی گولومسمک دونور اوزده هرنه آتیر بویاسینی حایات وریر دادین الدن چالمیر اوره ک، دویغو اولور روحوم آزیر آتیر یولون دونه بیلمیر اوز اوینه اوی هاردا؟ اوزاقلاردا جیسمیم هاردا؟ توزاقلاردا ای وای آنام، آمان الله گوتورون منی توزاقلاردان قورتارین منی بو زورلاردان گوتورون منی اوزاقلارا روحوم گزن ماحاللارا دمیرچی نوه سی |
آذربایجان داغلارینی چوخ سئورم و داغا چیخماقدان بویوک لذت آپاررام. اما بیر گون ائله بیلدیم داغ منیله دانیشماق ایستیر. قولاق آسدیم؛ بلی دوغورودر، او دانیشیردی، سسینی من اشیدیردیم. تــز بو شعری داغین دیلیندن یازدیم. آخی داغ منیمله شعر ایله دانیشیردی ...
|
داغ ددی | |
|
آغ باشیمدیر دوز یاشیمی گـــوسترن، دایانمیشام بـــیر دایانماز حـــــــایاتام، یــاشاددیغیم بو ائـــللردیر گـــوسترن، بــیتمه مــیشم بیر بیتمه میش حایاتام |
بو دونیادان ســـورگونلرین دینجیم، اودو ســونــنلرین سونمز پـــینجیم، فــــرهادین عـــشقینه لایق ایــنجیم، دالسا کــــیمسه بـــیلر نجه حــایاتام |
|
بو دونــــیانی یالان دونــــیا بــیلمیشم، گـوده عـومرو تالان عمور گـورمیشم، بو یاشــــــیما یــــاناشانی ســـیلمیشم، ایلکین گوندن صون گونه تک حایاتام |
تــــانری دا اونودسا ائللر سیزلری، قویــــنومدادیر ایــگیدلرین ایزلری، اتـــــگیمده ظـــالملرین دیـــــزلری، حــــــایاسیزا ســانجیلی بیر حایاتام |
|
قاچـــاقلارین یــــیخیلمایان قـــالاسی، دردلـــــیلرین ســوروب آلان قاداسی، واله اولان گـــــوزون آغی قـاراسی، زامـــــان دولو تــــاریخ بویو حایاتام |
(شعر: دمیرچی نوه سی) |